«Терджиман» газетасы электрон коллекциясынынъ такъдими

Октябрь 23-те И. Гаспринский адына джумхуриет къырымтатар китапханесинде халкъымызнынъ медений омюринде айрыджа дикъкъаткъа ляйыкъ бир вакъиа юзь берди. Шу куню «Терджиман» газетасынынъ (1883-1918) электрон коллекциясы» лейхасы черчивесинде мезкюр газетанынъ 3 бинъден зияде электрон нусхасы китапхане фондына такъдим этильди. Тедбирнинъ башында китапхане мудири Гульнара Ягъяева тюрк алеминде ильк неширлерден бири сайылгъан «Терджиман» газетасынынъ базы нусхалары китапханеде олгъанына бакъмадан, онынъ чокътан-чокъ нусхалары Москва китапханелеринде булунгъаныны, оларнынъ кери къайтарылмасы ичюн пек чокъ пара талап этильгенини бильдирди.

— «Терджиман» газетасы­нынъ бутюн миллетимиз ичюн гъает къыйметли электрон кол­лекциясыны АКъШнынъ Укра- инадаки Барышыкъ корпусы, Къырым Медениет назирлиги эм де китапханенинъ фааль окъуйыджысы, даимий спонсо­ры, иш адамы Ренат Абибула-мудири Гульнара Ягъяе­ва тюрк алеминде ильк не- ширлерден бири сайылгъан «Терджиман» газетасынынъ базы нусхалары китапханеде олгъанына бакъмадан, онынъ чокътан-чокъ нусхалары Мос­ква китапханелеринде булун- гъаныны, оларнынъ кери къайтарылмасы ичюн пек ев саесинде эльде эттик, — деди Г. Ягъяева. Ондан сонъ Ренат Абибула- евнинъ озю де чыкъышта бу- лунып, «Терджиман» газетасы­нынъ электрон коллекциясыны Русие миллий Китапханесинден алмакъ ичюн насыл арекетлер япылгъаны, газетанынъ 1918 сенесине аит бир сыра нусха- Русие девлет китапхане­синден даа алынаджагъы акъ- къында тафсилятлы икяе этти ве газетанынъ электрон нусха- ларыны нумайыш этти. Ренат эфенди онынъ япкъан ишине Къырымда биваста ярдым эткен китапхане хадимлерине, энъ-эвеля болюк мудирлери Медине Алимовагъа, Иаджие Таирова ве Наджие Ягъяевагъа тешеккюрлер бильдирди.

Шуны къайд этмели ки, Ре­нат Абибулаевнинъ дедеси — Зынджырпы медресенинъ муфтиси Джемаледин эфенди Исмаил бей Гаспринскийнинъ устазларындан бири олгъан экен. Шанлы сюляленинъ ве­кили олгъан Ренат эфенди «Терджиман» газетасынынъ электрон шекильдеки бир къач бинъ нусхасыны Русиеден Ватанымыз Къырымгъа къайтармагъа муваффакъ олгъанына да тарихий вакъиа, деп къыймет кесмек мумкюн

Тедбирде Къырым Юкъары Шурасынынъ депутаты, Миллий Меджлис медениет ве та- силь идаресининъ ёлбашчысы, «Маарифчи» ассоциациясы- нынъ реиси Сафуре Каджаме- това «Терджиман»нынъ салмакълы коллекциясьі, ниает, миллий вариет сыфатында кене халкъкъа хызмет этеджеги мунасебетинен эр кесни ха- йырлар экен, бу ишке дегерли иссе къошкъан Ренат Абибула- евге Миллий Меджлис адындан Фахрий ярлыкъ эм де «Маа­рифчи» адындан къырымтатар- джа-русча-украиндже буюк колемли лугъатны такъдим этти. Сафуре Каджаметова И. Гаспринский китапханеси янында тешкиль олунгъан Аса­балар кенъеши хусусында да малюмат берип, халкъ миллий китапханемизге эр джеэттен къолтутмасы кереклигини ур- гъулады. Мезкюр Асабалар кенъешининъ векили Расим Бе- киров ве китапхане мудири Гульнара Ягъяева да Ренат Аби- булаевге миннетдарлыкъ иле эдиелер бахшыш эттилер.

Козьайдын мерасимини нам­лы йырджы Рустем Меметов ве Буюк-Онлардан кельген яш иджраджы Разие Сеитмамбе- това гузель йырларынен яраш­тырдылар.


Янъы дюнья.-окт. 26.-2012.- с. 2

Сейран СУЛЕЙМАН