Фронтовое письмо Аблямита Бариева

2017-05-15 14:51:02

Выражаем благодарность Певат агъа Зети за предоставленные электронные копии документов

Фронттан селям!


Сайгъылы Аначыгъым, Бабачыгъым, къардашчыкъларым, Айше аптем ве башкъа догъмушчыкъларым. Эпинъизге озюмнинъ сыджакъ селямларымны ёллап, сагъ олуп, яхшы яшамакъны истерим. Аначыгъым, мен кене эски еримде олып яхшы, яхшы яшайым, савлыгъым яхшы, эр кунь башкъа койгелерге яхут шеэрлерге келемиз, не истеймиз оны ашаймыз, авалар яхшы, ягъмур аз ягъа, еллар яхшы, мен кене радио-телефон аппаратлары япам, ишлерим пек яхшы.

Ава къардашчыгъым. Мен сизден пек аз каат алам, онынъ ичюн пек раатсыз олам, сиз манъа бакъманъыз, мен бутюн вакъыт ёлдам, онынъ ичюн меним пек аз вакъытым ола. Ава къардашым, анайны, бабайны савлыгъы насыл. Бакъынъыз сиз оларны, ынчытманъыз. Анайнынъ ве бабайнынъ айткъаныны япынъыз, башсыз олманъыз. Сен энъ буюксин, кучюклерни тербие эт.

Сизнен берабер мени танышларымдан даа ким бар, битам ве къартбабам олар къайда, сиз манъа оларнынъ адресини язынъыз.

Мустафа, Ахтем, Эмине аптем къайдалар?

Сизин ишлеринъиз насыл, авалар, емек ве башкъа шейлер. Эписини язынъыз.

Буннен мен битирем, савлыкънен къалынъыз, эр кезге селям.

Сизин огълунъыз Бариев А.

18/ VIII-44

Для просмотра нажмите на картинку