Bekir Çoban zade adına 2009 senesi içün mukâfat aqqında nizamname

Bekir Çoban zade adına 2010 senesi içün

mukâfat aqqında nizamname

Bekir Çoban-zade adına mukâfat 2006 senesi Bekir Çoban-zade adına vaquf (reisi Resul Velilâyev) tarafından tesis etildi.

Mukâfat yılda bir kere komissiya tarafından berile. Komissiya Anayasağa, Ukrainanıñ qanunlarına ve diger normativ aktlarğa em de işbu Nizamnamege esaslana.

Komissiya:

— Bekir Çoban-zade adına mukâfat içün berilgen eserlerni qabul ete;

— Bekir Çoban-zade adına mukâfat içün berilgen eserlerni baqıp çıqa ve olarnı muzakere ete;

— laureat Diplomınıñ, köküs nişanınıñ nasıl şekilde olmasını tasdiqlay;

Komissiya reisten, kâtipten ve yedi azasından teşkil oluna.

Bekir Çoban-zade adına mukâfat aşağıdaki nominatsiyalar boyunca berile:

1. Qırımtatar tilinde eñ yahşı şiirler kitabı (ya da türkü).

2. Qırımtatar tilinde eñ yahşı nesir (şu cümleden publitsistik) eser içün.

3. Qırımtatar filologiyası ve folklorı boyunca eñ yahşı ilmiy ve ilmiy-usuliy iş içün (monografiya, derslik, luğat, qılavuz, bibliografik köstergiç, qırımtatar edebiyatı klassikleriniñ eserler toplamınıñ ilmiy neşiri, edebiy-tenqidiy eserler).

4. Qırımtatar müelliflerini başqa tillerge, başqa millet müelliflerini qırımtatarcağa eñ yahşı tercimeler içün.

5. Bekir Çoban-zadeniñ icadını edebiyat, ilim ve sanat saalarında tanıtma içün.

6. Qarasuvbazarnıñ keçmişini, bugüni ve kelecegini eñ yahşı sürette aks etken eserler, publikatsiyalar, tedqiqatlar içün.

7. Qırımnıñ tarihı, etnografiya ve toponimika saaları boyunca eñ yahşı tedqiqat içün.

Bekir Çoban-zade adına mukâfat içün 2010 senesi yanvar 1-den 2010 senesi dekabr 31-ge qadar basılıp çıqqan, derc olunğan, numayış etilgen eseler qabul oluna.

Mukâfat yaşağan yerine, milliy ve diniy mensüpligine qatiy nazar, ayrı müelliflerge, müellifler gruppasına, ayrı teşkilâtlarğa, icadiy kollektivlerge berile. Eger mukâfatqa namzet vefat etken olsa, mukâfat onıñ varislerine berile.

Mukâfat tek bir kere berile.

Mukâfatqa namzetler Ukrainada ve onıñ tışında faaliyet köstergen icadiy teşkilâtlar, assotsiatsiyalar, cemaat birleşmeleri, işhaneler, ilmiy, tasil ve medeniyet müessiseleri tarafından taqdim olunalar.

Konkursqa aşağıdaki materiallar teslim olunmalı:

– namzetni konkursqa taqdim etken icadiy teşkilâtnıñ, müessiseniñ reberiniñ imzası ve müüri ile esaslandırılğan taqdimnamesi.

– müellif aqqında biografik-icadiy spravka.

– Bekir Çoban-zade adına mukâfatqa taqdim olunğan eserler üç nushada, muzıkalı eserler (partituralar ve diskke yazılğan eserler) üç nushada, tasviriy sanat eserleri (reproduktsiyalar) berile.

– Materiallar (taqdimname, biografik-icadiy malümat) eki nushada olıp, ayrı papkalarda ketirilmeli. Komissiya materiallarnı 2010 senesi mart 1-gece qabul ete.

Materiallar İ. Gasprinskiy adına qırımtatar kitaphanesine (Aqmescit ş., Samokiş soqağı, 8. tel: (0652) 249-560; 511-385) teslim olunmalı. Materiallar taqrizlenmey ve keri qaytarılmay. Komissiyanıñ qararına itiraz yapılmaz.

Laureatlarğa para mukâfatı, Diplom ve köküs nişanı berile.

Mukâfatnı taqdim etüv merasimi Bekir Çoban-zadeniñ doğğan kününe qararlaştırılıp, Qarasuvbazar şeerinde tantanalı sürette taqdim oluna.

2010 senesiniñ Bekir Çoban-zade adına mukâfat boyünca komissiya cedveli:

Ablyaziz Veliev – komissiya reisi

Gülnara Yagyaeva – komissiya kâtibi

Resül Velilyaev – Bekir Çoban-zade adına fondniñ reisi

İbraim Çegertma – “Uçpedgiz” neşriyatınıñ müdüri

Nariman Abdulvaapov – Qırım Mühendislik ve pedagogika universitetiniñ qırımtatar ve türk filologiya kafedrasınıñ uyken ocası.

Şeryan Ali – şair.

Emirov Ayder – "Poluostrov" gazetasınıñ baş muarriri, Bekir Çoban-zade adına fondunıñ reisi