Roman «Frenkistan mektüpleri»

Printer-friendly versionSend by email

Aziz dostlar!

Birleşken milletler teşkilâtınıñ tasil, ilim ve medeniyet teşkilâtı (YÜNESKO) 2014 senesini İsmail Gasprinskiy senesi ilân etti.

Bu sene İ. Gasprinskiyniñ ayatı ve icadını keñiş dairege tanış etüv ve eserlerini populârlaştıruv maqsadınen İ. Gasprinskiy adına qırımtatar kitaphanesi 2014 senesi yanvar ayından başlap "İsmail Gasprinskiyniñ "Frenkistan mektüpleri" kitabını oquymız" aktsiyasını ilân etti.

İlkide bu eser 1887 senesi yanvar 25 "Terciman" gazetasında basılıp başladı.

2003 senesi "Dolâ" neşriyatında "Bilgi çoqrağı" seriyasında bu eser ayrı kitap olaraq neşir etilgen edi.

Gasprinskiy İ. Frantsuzskiye pisma / İ. Gasprinskiy ; sost.V.Gankeviç ; hudoj. Z.Trasinova. – Simferopol : Dolâ , 2003. – 223 s. : il. – (Bilgi çoqrağı ).

2014 senesiniñ 20 iyün kününden başlap er cuma künü kitaphane saytında bu eserniñ ayrı bablarını bastıracaqmız.

Bu eser saytımıznıñ oquyıcılarına meraqlı olur ve olar özleri içün İsmail Gasprinskiyniñ - yazıcı, yazıcı-seyahatçı, yazıcı-fantast olaraq açarlar degen ümüttemiz.

Ondan da ğayrı eserniñ basma şekilinde İ. Gasprinskiy adına kitaphanemizde de tanış olmağa mümkündir.

Sizlerniñ tevsiye ve seslenüvleriñizni bekleymiz.

-------------------------------------------------------------------------------------------------