Керим Джаманакълы (1905-1965)
И..Гаспринский адына
Джумхуриет къырымтатар китапханеси
Информацион-библиографик болюги
ПЕДАГОГ, АЛИМ ВЕ ШАИР
Керим Джаманакълы
100 йыллыгъына багъышлангъан
биобиблиографик джедвель
Акъмесджит
2005
Керим Джаманакълы (Решидов)
(1905 – 1965)
Шаир, эдебиятшынас, фольклорджы Керим Джаманакълы (Керим Решид огълу Решидов) 1905 сенеси январь 21-де эвельки Таврия губерниясынынъ Кезлев уезди (шимдики Евпатория районы) Джаманакъ коюнде, багъчеван къорантасында дюньягъа келе. Инкъиляпкъа къадар кой иптидаий мектебинде башлангъыч бильги ала. Къырымда совет акимиети къурулгъан сонъ, Керим Джаманакълы Акъмесджит педагогика техникумында ве 1929-1934 сенелери педагогика институтында окъуй. Тарих-филология факультетини битирген сонъ, аспирантурада къала.
1937 сенеси къырымтатар эдебиятынынъ классиги Усеин Шамиль Тохтаргъазыгъа багъышлангъан диссертациясыны къорчалай ве филология илимлери намзети унваныны ала. Айны шу девирде «Тогъайбей дестаны» акъкъында, Умер Ипчининъ эдебий фаалиети хусусында макъалелер яза.
Шаир халкъ агъыз яратыджылыгъыны эбедийлештирюв, оны огренюв, тедкъикъ этюв саасында да чокъ хызмет этти, дженктен эвельки фольклор экспедицияларында иштирак этти, зенгин материал топлады. О вакъытта тертип этильген фольклор джыйынтыкъларынынъ дюнья юзю корьмеси ичюн чокъ гъайрет сарф этти. Оларнынъ базыларыны озю тертип этти («Чынълар ве манелер». Акъмесджит, 1936; «Чынъ ве манелер джыйынтыгъы». Акъмесджит, 1940), базыларына сёз башы макъалелери язды. Эдипнинъ «Къырымтатар совет фольклоры», «Орта мектеп оджалары ичюн фольклордан косьтергич» ве бир сыра дигер макъалелери гъает мундериджели ве къыйметли эди. Та 1934 сенеси язып бастыргъан «Фольклор топлав методикасы» адлы рисалеси исе мемлекетимиздеки тюркий халкълар эдебиятлары арасында фольклорджылыкъта япылгъан ильки ильмий ишлерден ве теджрибелерден бири эди.
Яш алим 1935-1941 сенелери эдебият ве тиль ильмий-тедкъикъат институтында эдебият ве фольклор секторына мудирлик япа. Бунынъ киби де, алий окъув юртунда дерс бере. Бу девирде Керим Джаманакълынынъ «Эдебият ве эдебиятны огренюв терминлери», «Шаир Умер Ипчи», «Чынълар ве манелер», «Икяелер» адлы китаплары, айры языджыларнынъ яратыджылыкълары акъкъында колемли макъалелери басыла. Шиирлери «Ени дюнья», «Яш къувет» газеталарында, «Илери» меджмуасында 1924 сенесинден корюнип башлайлар. 1927 сенеси Багъчасарайда «Азатлыкъ йырлары» адлы шиирлер джыйынтыгъы басылып чыкъа. Бунынъ киби де, Джаманакълынынъ «Балаларгъа Ленин акъкъында», «Ана йырлары» шиирлери окъуйыджыларгъа беллидир.
Улу Ватан дженки башлангъанынен, Керим Джаманакълы джебэге кете. 1941-1942 сенелери джебэ газеталарында шиирлери, макъакъалелери ве очерклери басыла.
1944 сенеси СССР Алий тасиль назирлиги оны Самаркъанд (Озьбекистан) педагогика институтынынъ рус тили ве четэль эдебияты кафедрасына доцент оларакъ ишке ёллай. Арадан бир йыл кечкен сонъ, Керим Джаманакълы Татарыстангъа кочюп бара ве омюрининъ сонъуна къадар Алабугъа Девлет педагогика институтынынъ рус ве четэль эдебияты кафедрасына мудирлик япа.
Керим Джаманакълы ильмий ишлернен огърашмакъны да быракъмай. «Совет эдебияты» (шимди «Къазан утлары») меджмуасына макъалелер яза. Белли татар шаири Муса Джалиль акъкъында монография бастыра, «Лирик шиирлер» китабыны чыкъара. Онынъ Гъ. Тукъай, Г. Ибрагимовнынъ яратыджылыкълары акъкъында буюк колемли макъалелери бар. Онынъ эсерлери Озьбекистанда «Ленин байрагъы» газетинде басылалар.
1978 сенеси Ташкентте Керим Джаманакълынынъ «Достларыма» адлы шиирлер китабы басылып чыкъты.
Озь Ватанына севгисини шаир «Тувгъан ерим» шииринде шойле акс эте:
Тувгъан ерим
Улу Пушкин шииридай лезет берген гузель Къырым
Меним асыл тувгъан-оськен, энъ къадирли сюйген ерим…
Онынъ Къара денъизининъ акъ орькечли толкъунлары,
Кунеш нурын джыйып берген юзюмининъ салкъымлары…
Къайсы совет кишисининъ рухын охшап кульдирмеген,
Къайсымызгъа омюр къошып, аят дадын бильдирмеген?!
Шырыл-шырыл акъып тургъан салкъын сувлы чокъракълары,
Сельбилернинъ ельпиреген акъчиль-ешиль япракълары.
Къайсы козьге къарув берип, юреклерни джоштырмагъан,
Севгининъ энъ назик, юксек нокътасыны аштыртмагъан?!
Ашыкъларнынъ ислерине къанат олгъан гузель Къырым –
Меним севип омюр эткен энъ къадирли тувгъан ерим!
Керим Джаманакълы 1934 сенесинден Языджылар бирлигининъ азасы эди. О,
1965 сенеси август 1-де Татарыстанда вефат этти.
Иджады акъкъында:
1. Emirsuinova Nuriya. Yelabuğada yaşap çalıştı: [Kerim Camanaqlınıñ 100 yıllığına] // Голос Крыма.- 2004.- 15 октября.- С.4.
2. Эмирсуинова Н. Бабамнынъ адына сокъакъ // Янъы дюнья. — 2002.- Апрель 6.
3. Керим Джаманакълы //Фазыл Р., Нагаев С. Къырымтатар эдебиятынынъ тарихы: Къыскъа бир назар.- Акъмесджит: Къырымдевокъувпеднешир, 2001.- С.329-331; С.481-484.
4. Керим Джаманакълы //Къуртнезир З. Къырымтатар эдиплери: Омюр ве яратыджылыкълары акъкъында къыскъа малюматлар.- Акъмесджит: Таврия, 2000.- С.91-92.
5. Решидова-Быкова Ф. Письмо дочери: [Краткая биография К. Джаманакълы] // Арекет.- 1995.- 2 июня.
6. Хуршутов А. Керим Джаманакълы // Арекет. – 1995. – 2 июня.
7. Решидова-Быкова Ф.К. Бабамнынъ арзу-умютлери тирилер // Янъы дюнья. — 1995. — Март 17.
8. Булгъанакълы Г. Бизим генчлигимиз: [О поэтах З. Джавтобелли и К. Джаманакълы] // Йылдыз.- 1985.- №1.- С.99-104.
9. Алядин Ш. Халкъ вариети // Юксек хызмет. — Ташкент, 1983. — С. 27-33; Йылдыз. — 1994. — №1. — С. 3-8.
10. Мухаметов Х. Педагог, алим ве шаир: [К. Джаманакълынынъ догъмасына 60 йыл толувы мунасебети иле] // Ленин байрагъы.- 1965.- Февраль 16.
Терджимелери:
1. Комсомолу; Море: Стихотворения: Перевод с крымскотатарского языка //
Татарские писатели Крыма. – Симферополь, 1940.- С.101-102.
2. Свифт Д. Гулливер великанлар арасында / Балалар ичюн ишлеген Н. Заболоцкий;
Терджиме эткен К. Джаманакълы. — Симферополь: Къырымдевнешр, 1939. — 60 б.
Керим Джаманаклы (Решидов)
Керим Джаманаклы (Решидов), родился в с. Джаманак Евпаторийского района 21 января 1905 года. После получения начального образования в начальной сельской школе, с 1924 по 1928 гг. учится в Симферопольском педагогическом техникуме,
а в 1929 поступает на историко-филологический факультет Крымского педагогического института. По окончании института проходит аспирантуру при кафедре русского языка и литературы, где пишет кандидатскую диссертацию о творчестве классика крымскотатарской литературы Шамиле Тохтаргазы, которую защищает в 1937 году в Казанском университете и получает звание — кандидат филологических наук.
В 1935-1941 гг. Керим Джаманаклы заведует сектором литературы и устного народного творчества НИИ языка и литературы имени А.С. Пушкина. Керим Джаманаклы является большим знатоком и собирателем устного народного творчества крымских татар.
Выходят в свет такие книги Джаманаклы, как «Эдебият ве эдебият огренюв терминлери», «Шаир Умер Ипчи», «Чынълар ве манелер», «Икяелер», сборник стихотворений «Азатлыкъ йырлары», а также литературоведческие статьи о творчестве Умера Ипчи, У. Тохтаргазы и других писателей. С 1924 года на страницах газет «Ени дюнъя», «Яш къувет», журнала «Илери» публикуются первые его стихотворения. В 1934 году Керим Джаманаклы принят в Союз писателей. В годы войны (1941-1942 гг.) его стихотворения, статьи и очерки печатаются на страницах фронтовых газет.
С 1944 года К. Джаманаклы доцент кафедры русского языка и иностранной литературы Самаркандского педагогического института, куда был направлен Министерством образования СССР. Через год переезжает в Татарстан, где руководит кафедрой русского языка и иностранной литературы в государственном педагогическом институте г. Елабуги. Здесь Джаманаклы продолжает свою научную и литературную деятельность. Его материалы публикуются в журнале «Совет эдебияты», издает книгу «Лирик шиирлер», пишет монографию о Мусе Джалиле, объемные литературные статьи о творчестве Г.Тукая, Г.Ибрагимова. Его произведения печатаются на страницах газеты «Ленин байрагъы» в Узбекистане. В 1978 году в Ташкенте издается книга стихотворений К.Джаманаклы «Достларыма».
Умер Керим Джаманаклы в Татарстане 1 августа 1965 года.
Библиография:
Бахытлы халкъынынъ йырлары / Тертип эткен К.Р.Джаманакълы. — Симферополь: Къырымдевнешр, 1940. — 63 б.
Достларыма: Шиирлер — Ташкент: Эдебият ве санъат нешрияты, 1973. — 62 б.
Татар халкъ масаллары / Тертип эткенлер: Р.Тынчеров, Ю.Болат, К.Джаманакълы. — Ташкент: Эдебият ве санъат нешрияты, 1959. — 261 б.
Чынь ве манелер джыйынтыгъы / Тертип эткен К.Джаманакълы. — Симферополь: Къырымдевнешр, 1940. — 158 б.
Эхмет Хан-Султан : (Къырым татар батыры). – Казан: Татгосиздат, 1943. – 40с. (на татарском языке)
***
Аметхан Султан: Шиир // Ленин байрагъы.- 1958.-
Сентябрь 28.
Бир корюшюв: Шиир // Ленин байрагъы.- 1957.-
Август 25.
Инд къызына: Шиир // Ленин байрагъы.- 1957.-
Июль 18.
Къырымтатар масаллары // Йылдыз.-2004.-№3.-С.13-41
Ленинге: Шиир // Ленин байрагъы.- 1958.- Январь 23.
Летафетли чёллер: Шиир: [Шаирнинъ архивинден] //
Йылдыз.- 1983.- №2.- С.128-130.
Хызмет маршы //Ленин байрагъы.-1959.- Январь 1.-С. 3.
Азырлагъан : Э.Мусса