Кузь бахшышлары (Сафет Сейдаметовнынъ шиирлери)
Осень щедро дарит нам свои яркие и вкусные плоды – овощи, которые радуют разнообразием красок и вкусов.
Предлагаем маленьким читателям познакомиться с осенними дарами в стихах Сафета Сейдаметова на крымскотатарском языке!
Урьметли балачыкълар!
Биз сизге кузь бахшышлары акъкъында
Сафет Сейдаметов язгъан шиирлерни такъдим этемиз


Хыяр
Манъа дерлер ешиль хыяр,
Меннен толу эр бир базар.
Истесенъ, мени тузла,
Истесенъ, тазе аша.

Къабакъ
Бостанда осип ятам,
Дженнет ашы сайылам.
Корюнишим томалакъ,
Адым исе саде – къабакъ.

Бибер
Аджы олам ве татлы,
Ешиль, сонъра къырмызы.
Менден долма яптылар,
Адым бибер къойдылар.

Хавуч
Ер ичинде мен турам –
Узун бойлу бир адам.
Адым хавуч падиша,
Тишлеринъ олса, аша.

Къартоп
Меним адым къартоп,
Аилем исе топ-топ.
Ер ичинде биз ятамыз,
Япракъ къуруса, чыкъамыз.

Къапыста
Топракъ устюнде осем,
Кунь-куньден тек семирем.
Кольмеклерим эп арта,
Манъа дерлер къапыста.

Сарымсакъ
Менден къача хасталыкъ,
Менсиз олмай туршулыкъ.
Корюшювге бармасанъ,
Сарымсакъ аша, инсан!

Согъан
Ер ичинде мен осем,
Ешиль сачлы бир серсем.
Мени кесип агъласанъ,
Сонъ билирсинъ: мен согъан.

Чюкюндир
Чюкюндир меним адым,
Мор янакъларым меним.
Мыйыгъым да бар бираз,
Венегрет менсиз олмаз.

Патылджан
Меним адым патылджан,
Мен балабан оладжам.
Устюм мор, ичим беяз,
Тазе къапмагъа олмаз!
